Turkiston bolalari

«Turkiston bolalari» spektakli B. Irzayevning «Oʻzbek yoshlari va xorijiy taʼlim» kitobi hamda J. Jovliyevning «Qoʻrqma» romani motivlari asosida yaratilgan. Voqealar oʻtgan asrda kechadi va Turkistonni ozod hamda farovon koʻrishni orzu qilgan ikki talaba haqida hikoya qiladi. Qahramonlar turlicha boʻlsa-da, ularni yagona maqsad birlashtiradi.

Jadidlar koʻmagida va oʻz hayotlarini xavf ostiga qoʻyib, yigitlar oʻz gʻoyalari uchun kurashadi. Biroq ular sovet hokimiyatining qonli siyosatiga tortilib, qaytarib boʻlmas oqibatlarga duch keladi. Spektakl muallifi — G. Matʼyokubova, rejissyor-postanovkachi — R. Tagayqulov.